Словенечкиот министер за финансии Јанез Шуштершич тврди дека проблемите на Словенија не настанеле со преземањето на еврото, туку дека се предизвикани со структурни потешкотии во државата и очекува дека на земјата наредната година нема да и треба финансиска помош на ЕУ. Министерот не бега од фактот дека финансиската криза силно ја погодила Словенија, но причините ги гледа главно во неконкурентноста и слабата државна структура на некогашната југословенска република, на која „и пошло од рака“ прва да стана членка на ЕУ. - Словенија не жали што е во еврозоната. Напротив, земјите надвор од зоната на почетокот на светската финансиска криза потешко беа погодени поради силната монетарна криза на што укажуваат примерите на Унгарија и Исланд, оцени словенечкиот министер за финансии.