Претседателот на Европскиот парламент, Мартин Шулц,  искажа поддршка за дополнителна финансиска помош за Грција , ако земјата го постигне примарниот буџетски суфицит , пренесе " Франс прес " . " Ако има примарен буџетски суфицит , веднаш треба да има дискусија ... за да се стабилизира обновата на економијата“ , изјави Шулц на заедничката прес-конференција со грчкиот премиер Андонис Самарас. Според него, оваа дискусија треба да се одржи на пролет , откако Евростат ги објави макроекономските податоци за 2013 година, според кои се очекува мал буџетски суфицит на Грција за оваа година од 0,4 % од бруто домашниот производ , или 812 милиони евра. "По шест години рецесија Грција ќе постигне примарен суфицит каков земјата немала со децении " , рече Самарас. Во ноември минатата година земјите од еврозоната се согласија дека новиот отпис на огромниот грчки долг ќе биде можен ако земјата ги исполни условите во спасувачката програма и постигне примарен суфицит . "Треба да ги одржуваме нашите ветувања " , истакна Шулц . Шулц сепак, предупреди дека може да има доцнење во дискусиите за грчкиот долг поради изборите за Европскиот парламент во мај 2014 година