Во период од пократок од 2 години во повеќе наврати, стратешки и тактички, „Адора Инженеринг“ стана најголем поединечен акционер во најголемата деловна банка во земјава. Уште еден силен сигнал за инвеститорите и трејдерите на берза: „Адора Инженеринг“ пред Нова Година вложи уште четврт милион евра во акции на „Комерцијална банка“

Компанијата која е најголем акционер во „Комерцијална банка“ и чиј најголем акционер е бизнисменот и поранешен политичар Ванчо Чифлиганец, со последните купени акции сега поседува 11,43 отсто од акциите сите акции со право на глас во најголемата деловна банка во нашата земја.

Во последните купени 2.583 акции „Адора Инженеринг“ вложи повеќе од 260.000 евра , според официјалните податоци за пазарната цена на таа акција која во овој период е околу маргината од 6.500 денари за акција. Изгледно е да се очекува дека оваа вест позитивно ќе влијае врз пазарната цена на таа акција.

„Адора Инженеринг“ кон крајот на ноември  продолжи да го окрупнува своето учество во акционерската структура на „Комерцијална банка“. За пократко од еден месец во два наврати оваа компанија вложи над 1,9 милиони евра во акции на најголемата домашна банка и сега поседува 11,11 отсто од акциите со право на глас. „Адора Инженеринг“ на берза во два системски блока плати по 100 евра (6.050 денари пазарна цена н.з.) за акции со право на глас во „Комерцијална банка“. Станува збор за инвестиција од 521.380 евра во акции со што фирмата на Ванчо Чифлиганец, која и досега беше најголем акционер сега поседува до 11,11 отсто од акциите со право на глас во „Комерцијална банка“.Кон крајот на октомври „Адора Инженеринг“ ДООЕЛ вложи 1,4 милиони евра во акции со право на глас во најголемата македонска банка „Комерцијална банка“. 

„Адора“ од втората третина на март до почетокот на јули лани вложи околу 10 милиони евра во акции. Многу позитивен преседан во македонската корпоративна историја е тоа што „Адора“ купува акции по пазарни цен на Македонската берза за хартии  од вредност. Не доминираа договорени блок трансакции по однапред утврдени цени како што сме гледале досега во повеќе наврати во минатото тргување со различни акции на нашиот пазар. Влезот на „Адора“ и на неколку други компании во „Комерцијална банка“ ги зголеми очекувањата на продавачите на акции и пазарната цена на таа акција почна да расте. Од 3.700 денари во втората третина на март до 5.500 денари во втората половина на јуни. „Адора“ ги следеше пазарните цени и купуваше акции. Продолжи да го зголемува своето учество во акционерската структура и покажа сериозен пристап и континуитет во купувањето.

За да добиеме подобра слика за тоа во што вложува Чифлиганец ќе ги изнесе најважните јавно достапни податоци за пазарната позиција на „Комерцијална банка“:

- „Комерцијална банка“ поседувa над 20 отсто од целата актива на македонскиот банкарски пазар; 

-нејзиниот капитал и резерви се 20 отсто од целиот банкарски систем;

-„Комерцијална банка“ држи над 25 отсто од сите депозити на нефинансискиот сектор во Македонија;

- „Комерцијална банка“ има 11 филијали и 57 експозитури во Македонија;

-„Комерцијална банка“ има деловни односи со 667 банки во 37 земји во светот;

-Депозитите на коминтенти (освен банките) изнесуваат 1,48 милијарди евра

-Комерцијална банка поседува 49 отсто од „Прво пензиско друштво“ фирмата која управува со половина милијарда евра пари на идните пензионери;

-„Комерцијална банка“ поседува 64 отсто од „КБ Публикум“ друшто во кое управува повеќе од 50 милиони евра вложени во финансиски инструменти и во депозити

Р.Ф.