Годишната инфлација во Русија се намали на 9,4 проценти во јуни годинава.

Годишната инфлација во државата во јуни оваа година се намали на 9,4 проценти, од 9,88 проценти во мај, објави денес Руската федерална служба за статистика (Росстат).

Потрошувачките цени се зголемија за 0,2 проценти во споредба со претходниот месец, објави ТАСС.

Цените на храната во јуни се повисоки за 0,11 проценти месечно и за 11,91 проценти на годишно ниво.

Поради инвазијата на Украина, Русија е под санкции.