Измените на Законот за архивски материјал содржат новини со кои се олеснува канцелариското и архивското работење. Експертите од Нова Консалтинг накусо ги објаснуваат овие измени. 1.Досегашните три акти кои се донесуваа, односно Планот на архивски знаци, Листата на архивски материјал и Листата на документарен материјал со рокови за негово чување се заменуваат со еден акт кој во иднина ќе се донесува, а тоа е План на архивски знаци со листа на архивски и документарен материјал, со што се поедноставува постапката како за јавните така и за приватните иматели на архивски и документарен материјал. Овие измени соодветно ќе бидат разработени во Упатството за начинот и техниката на постапување со архивскиот и документарниот материјал во канцелариското работење. 2.Се врши прецизирање дека како физички лица се подразбираат физичките лица кои вршат дејност, услуги и слободни занимања. 2б. Наместо досегашните обврските за сите правни и физички лица иматели на приватен архивски материјал без оглед на нивната големина (известување на Државниот архив за поседувањето на архивскиот и документарниот материјал, водење основна евиденција за архивскиот и документарниот материјал, донесување и доставување до Државниот архив на план на архивски знаци, листа на архивски материјал и листа на документарен материјал, чување и заштитување на архивскиот и документарниот материјал и.т.н.), со измените имателите на приватен архивски материјал и документарен ги имаат следниве обврски:

3. • да водат основна или сопствена евиденција за архивскиот и документарниот материјал;
   • да донесат план на архивски знаци со листа на архивски и документарен материјал;
   • да вршат тековно одбирање на архивскиот од документарниот материјал, и
   • да го чуваат трајно архивскиот материјал.

 

4. Предвиден е исклучок кој се однесува на имателите на приватен архивски материјал кои доколку имаат до 49 вработени, имаат обврска за донесување: на план на архивски материјал со листа на архивски и документарен материјал доколку имаат архивски материјал. Тоа значи дека за имателите на приватен архивски и документарен материјал и натаму остануваат обврските за водење основна или сопствена евиденција (ДЕЛОВОДНИК), вршење тековно одбирање на архивскиот од документарниот материјал и трајно чување на архивскиот материјал.

 

5. Со овие измени на имателите на приватен архивски материјал им се дава можност: или да водат основна евиденција (деловодник) или евиденција согласно нивна номенклатура на броеви, важно е да имаат евиденција на документацијата која ја создаваат.

  Доколку имателот на приватен архивски материјал престане, утврдена е обврска за предавање на архивскиот материјал на неговиот правен следбеник, односно на Државниот архив доколку нема правен следбеник во рок од 15 дена од престанокот.   Согласно Законот за архивски материјал: Архивски материјал е целокупниот изворен и репродуциран (пишуван, цртан, печатен, фотографиран, филмуван, аудиовизуелизиран, механографиран, електронски, дигитално, оптички или на друг начин забележан) документарен материјал од трајна вредност кој е од значење за Републиката, науката културата, имателите, како и за други потреби, Документарниот материјал, како извор на архивскиот материјал го сочинува целокупниот изворен и репродуциран (пишуван, цртан, печатен, oтографиран, филмуван, аудиовизуелизиран, механографиран, електронски, дигитално, оптички или на друг начин забележан) материјал, книги и други евиденции за тој материјал, создадени во работата на имателите додека тој е од значење за нивната тековна работа и се додека од него не е издвоен архивскиот материјал.   Архивскиот и документарниот материјал може да биде јавен и приватен. Јавен архивски и документарен материјал е оној што е создаден од страна на државните органи, јавни институции и служби, јавни претпријатија, единиците на локалната самоуправа и градот Скопје, трговските друштва основани од државата или во кои доминантен капитал има државата, единиците на локалната самоуправа и градот Скопје и физичките лица на кои со закон им се доверени јавни овластувања. Приватен архивски и документарен материјал е оној што настанал кај приватните правни физички лица, односно кој го поседуваат приватни правни и физички лица.   Со измените со кој се дефинирани надлежностите на Државниот архив како управна организација, се дава можност на имателите на архивски материјал кои нема (или не можат) да извршат средување, обработка, валоризација на архивскиот материјал, одбирање на архивскиот материјал од документарниот, да изготват евиденција (опис и попис) на архивскиот материјал, што е нивна законска обврска, да се обратат до Државниот архив, тој да ги изврши овие дејствија за соодветен надоместок кој ќе биде обврзан да го подмири имателот кој бил должен, а не извршил овие законските обврски. За таа цел постојниот член е дополнет со нова алинеја со која се утврдува оваа нова задача од страна на Државниот архив, и нов став со кој е утврдено дека за таа цел Државниот архив со Тарифник ќе се определува висината на надоместокот. 6.Со измените се пропишува глоба во износ од 000 до 2.000 евра во денарска противвредност за прекршок на правното лице кое е имател на приватен архивски и документарен материјал, ако не води основна или сопствена евиденција заархивскиот и документарниот материјал, не донесе план на архивски знаци со листа на архивски и документарен материјал, не врши тековно одбирање на архивскиот од документарниот материјал и не го чува трајно архивскиот материјал, а за истиот прекршок пропишана е глоба во износ од 500 до 1.000 евра за одговорното лице кај правното лице. Оваа измена е соодветна на новите обврски на имателите на приватен архивски и документарен материјал утврдени во изменетиот член 32. 7.Предвиден е нов член 65‐а со кој е пропишана глоба во износ од 500 до 1.000 евра за правното лице кое има до 49 вработени и е имател на приватен архивски материјал ако не донесе план на архивски знаци со листа на архивски и документарен материјал доколку има архивски материјал или не го чува трајно архивскиот материјал, а за истиот прекршок пропишана е глоба од 250 до 500 евра за одговорното лице кај правното лице. повеќе на НоваКонсалтинг.мк