Од 15 големи трговци со нафта, 14 предвидуваат дека цената на нафтата ќе се движи од 40 до 60 долари за барел во 2017 година.

Ова е според истражувањето на Блумберг, чии резултати се претставени на Азиско-пацифичката конференција за нафта.

Аналитичарите мораа повторно да ги ревидираат своите очекувања.

„Проблем е што кога цените ќе појдат нагоре, пребрзо Американците произведуваат повеќе нафта. цената ќе се движи меѓу 40 и 50 долари, а макесимално 55 долари за барел“ - изјави Арзу Азимов.

Трговците со нафта, кои ги интервјуирал Блумберг, изјавиле дека цените дивееле кон почетокот на оваа година, но дека Иран, Саудиска Арабија, па дури и САД, изненадиле со зголемено производство, одложувајќи го неизбежниот ребаланс.