Американскиот претседател Доналд Трамп изјави дека увозот на злато во САД нема да подлежи на царински давачки.

„Златото нема да се оданочува со царински давачки!“, напиша американскиот претседател на платформата Truth Social. 

Со тоа заврши неколкудневната неизвесност предизвикана од одлуката на Царинската и гранична заштита на САД (CBP) минатата недела за нови давачки за увоз на широко користени златни прачки, пишува Financial Times.

По објавата на Трамп, цената на златото на спот пазарот во Њујорк се намали за 1,2 проценти на 3.357 долари за унца (31,1 грама), додека фјучерсите за злато во САД паднаа за околу 2,5 проценти на 3.407 долари. Главниот договор Comex го забележа своето најголемо дневно намалување за три месеци, завршувајќи со тргување за 86,60 долари пониско на 3.404,70 долари.

Интервенцијата на Трамп дојде неколку дена по веста дека САД ќе воведат царини за златни прачки од еден килограм, што ги зголеми фјучерсите на рекордни 3.534 долари за унца. 

foto freepik.com