Во ноември 2025 година, во однос на истиот месец од претходната година, реалната стапка на прометот во трговијата на мало со храна, пијалаци и тутун е зголемена за 6,5 отсто, објави Државниот завод за статистика(ДЗС).

Гледано по групи и класи, стапката на прометот во групите: трговија на мало со храна, пијалаци и тутун номинално е зголемена за 13,7 отсто, а реално за 6,5 отсто, во трговијата на мало со непрехранбени продукти, освен гориво, номинално е зголемена за 5,6 отсто, а реално за 1,5 отсто.

Прометот во трговија на мало, освен трговија со горива, пак, во истиот период номинално е зголемен за 9,5 отсто, а реално за 3,9 отсто.

Прометот на трговија на мало со автомобилски горива реално опаѓа за 5,7 отсто, а номинално за 6,9 отсто.

foto freepik.com