Премиерот на Шпанија Марјано Рахој објави пакет на строги мерки за штедење, вреден 65 милијарди евра (80 милијарди долари), со примена до крајот на 2014 година, кој вклучува зголемување на даноците и намалување на буџетските трошоци, што може да има за последица продлабочување на рецесијата во земјата. Рахој во обраќањето во парламентот, по еден ден откако еврозоната го одобри големиот пакет за спас на шпанските банки, укажа дека иднината на Шпанија е доведена во прашање бидејќи земјата е соочена со рецесија, огромен дефицит и загриженост кај инвеститорите за нејзиниот суверен долг.