Германскиот министер за финансии Волфганг Шојбле предупредува дека кризата во еврозоната не завршила и покрај намалувањето на каматите на државните обврзници на многу земји, пред се на Шпанија и на Италија. „Одговорот на европската криза и ветувањето на Европската централна банка е да направи се што е можно за да ја заштити валутната унија и да ја врати довербата до извесен степен. Европските влади сега треба да дејствуваат за создавање на посилна, поинтегрирана валутна зона“, вели Шојбле. Тој повтори дека еврото не е причина за кризата, додавајќи дека без заедничката европска валути ќе бевме многу посиромашни.