Њу Делхи ги одложи плановите за купување ново американско оружје и авиони, изјавија за Ројтерс тројца индиски функционери.

Ова е првиот конкретен знак за незадоволството на Индија откако царините што ги наметна американскиот претседател Доналд Трамп врз нејзиниот извоз ги доведоа односите меѓу двете држави на најниско ниво во последните неколку децении.

Индија планираше да го испрати министерот за одбрана Раџнат Синг во Вашингтон во наредните недели за да објави дел од планираните набавки, но тоа патување е откажано.

На 6 август, Трамп воведе дополнителни 25 проценти царина на индиските стоки како казна за купување руска нафта, велејќи дека Индија ја финансира руската инвазија на Украина.

foto freepik.com