Петре Шолегов, градоначалникот на Скопје, семта дека постапката за легализација на топловодната мрежа за парно-герење ќе биде завршена до крајот на септември со што ќе се исполни условот Градот да ја превземе како сопственик, бидејќи како што вели тој, таа сега е дивоградба и нема имотен лист.

Според Шилегов, Град Скопје преку новоформираното претпријатие ќе биде само сопственик на дистрибутивната мрежа, додека гасот, односно снабдувањето со енергија ќе биде задолжение на компаниите и топланите.

„Ние треба да бидеме креатори на енергетската политика, да ги донесуваме одлуките, на пример, во кој дел од градот ќе биде поисплатливо да се гради топловод или гасовод. Тоа е во интерес на развојот на градот, но уште поважно за одржливиот развој на чист град без загадување“, смета Шилегов.

Со мрежата е покриено само 23 отсто од површината на главниот град, а само 17 отсто од домаќинставата користат парно-греење.

„Уште една потврда дека Градот Скопје мора да биде стопанисувач со топловодната мрежа е фактот дека три децении никој не се нафатил да изгради два километри цевковод со кој Топланата Север ќе ја приклучи на другите и целосно ќе го спои градскиот систем. Сега Север е изолиран остров, работи нерентабилно, цените се за 40 отсто повисоки од тие на БЕГ и поради тоа има само околу 700 приклучени домаќинства“, вели Шилегов.