ШЕСТ НОВИ СТРАНСКИ ИНВЕСТИЦИИ ЗА ШЕСТ МЕСЕЦИ: ќе се вработат 2.000 граѓани, еве ги деталите
Владата денеска преку соопштение се пофали дека по промената на власта во Македонија се реализирале шест нови странски инвестиции.
- Инвестициски бум се случува во Македонија изминатите шест месеци. Шест месеци нова Влада предводена од ВМРО-ДПМНЕ значи шест нови странски инвестиции и над 2000 нови вработувања - се потенцира во нивното соопштение.
Тие посочуваат дека првата инвестиција на „Алказар Енерџи“ за изградба на ветерници во општините Радовиш, Штип и Карбинци, е во вредност од 500 милиони долари и значи 630 нови вработувања, а со инсталирање на 55 ветерници со електрична енергија ќе се снабдат 100.000 граѓани.
Втората инвестиција на германско-белгиска „Епсотех Аим“ е за изградба на развојно истражувачки центар, алерти центар во индустриско-технолошките зони на територијата на Општина Петровец. Нејзината вредност е од 20 милиони евра и нови 110 вработувања.
- Третата странска инвестиција е за производство на сопирачки за шински возила на американскиот „Вебтек“ во вредност од 35 милиони евра. Со оваа инвестиција ќе се отворат нови над 100 вработувања, во Технолошко индустриско развојната зона Скопје.
Четврта инвестиција која ја донесе Владата во рок од шест месеци е за производство на литиум јонски батерии во Технолошко индустриско развојната зона Скопје. Инвестицијата на германската компанија „BMZ Group“ е во вредност од 65 милиони евра и отвора дури нови 700 вработувања.
Петтата инвестиција на компанија „Брејнчајд“ во зоната Жабени е во вредност од 8,5 милиони евра, а ќе вработи околу 100 лица.
И шестата инвестиција е на „АД БАУ Интернационал“ која е дел од групација ДМ Бау – швајцарски производител на модуларни објекти е во вредност од 7 милиони евра и отвара 200 нови вработувања - се нагласува во сооштението.
Меѓу другото потенцираат дека и покрај лошата економска состојба која ја наследиле, како Владата работат посветено и спроведуваат економски политики со кои привлекуваат нови странски инвестиции.
- Како Влада воспоставуваме партнерски и деловен однос со странските и домашни инвеститори, отвораме нови работни места и придонесуваме за подобрување на бизнис климата и животниот стандард на граѓаните. Владата работи посветено на забрзување на економскиот развој. Наш приоритет е стабилна македонска економија - потенцираат во соопштението.
Меѓу другото потенцираат дека и покрај лошата економска состојба која ја наследиле, како Владата работат посветено и спроведуваат економски политики со кои привлекуваат нови странски инвестиции.
- Како Влада воспоставуваме партнерски и деловен однос со странските и домашни инвеститори, отвораме нови работни места и придонесуваме за подобрување на бизнис климата и животниот стандард на граѓаните. Владата работи посветено на забрзување на економскиот развој. Наш приоритет е стабилна македонска економија - потенцираат во соопштението.
Сепак, јавноста памети дека две од овие инвестиции се договорени во времето на владеење на претходната владина коалиција, СДСМ и ДУИ, кои сега се во опозиција. Во една прилика, кога поранешниот вицепремиер за економки прашања Фатмир Битиќи потсети дека за инвестицијата на германската „БМЗ груп“ работел со месеци да ги договори условите, Мицкоски му се заблагодари за заслугата.
Од опозициската СДСМ исто така посочија дека инвестицијата на „Алказар Енерџи“ е исто така договорена во нивниот мандат, а беше посочена и „Епсотех“ како инвестиција на „Вабтек“ како инвестиција договорена во нивниот мандат.
Слично
Поврзани вести
