Војислав Шешељ ја вознемири српската јавност откако на прес конференција посочи дека има информации за подготовка на вооружени напади врз Србите кои живеат во четири општини на северот на Косово за време на посетата на генералниот секретар на НАТО Јанс Столтенберг. 

Токму затоа Шешељ побара од Србија да го заштити својот народ, но вели дека не се обидува да предизвика конфликт.

„Нашата цел е да се избегнат оружени инциденти, но ако тие се случат, државата мора да реагира“, изјави Шешељ.

Шешељ истакна и дека Србите, правејќи им големи отстапки на Албанците, самите се ослабеле, но дека во овој случај Србите од Косово мора да бидат спремни на „ненадеен оружен напад“, а дека Србија мора да направи сѐ во нејзина моќ за да ги заштити.