Сензационален промет од над 11 милиони денари беше реализиран во вчерашното тргување на Македонска берза.

11.476.726,41 денари промет е остварен преку 62 трансакции и истргувани 47.836 акции.

Најтргувана акција беше акцијата на Комерцијална банка. Прометот кој беше остварен со  учество од одлични 32,25 отсто во вкупниот промет е околу 3,7 милиони денари.

На оваа листа се најде и акцијата на РЖ Услуги Скопје со која беше остварен промет од 1,980 милиони денари.

Најголем раст на вредноста од фантастични 93,70 отсто забележа акцијата на 7-ми Ноември Гевгелија, а висок пораст од 50 отсто на вредноста забележа и акцијата на Транскоп патнички сообраќај Битола.

Што се однесува до индексот на МБИ10 тој ја намали вредноста за 0,98 отсто и достигна 2.148,57 индексни поени.

ОМБ пак регистрираше позитива и ја заврши вредноста од 127,60 индексни поени.