Податоците покажуваат дека во ваков кошмар живеат многу жени во државата. На СОС линијата за борба против насилството  дневно понекогаш има и по десетина повици. Најмногу се јавувааат жени кои се жалат поради насилството кое го трпат од сопругот .

-Оваа година 2015 се случија уште четири убиства на жени. Минатата година бројката на овој ден беше 16 убиени жени во последните 6 години, и ако добро се сеќаваме сите , на 25 ноември медиумите јавија за уште едно трократно убиство. За една година имаме вкупно 7 жртви на семејно насилство. Бројот на обидите за убиство е уште поголема.  Сите овие убиства се извршени од членови на поблиското семејство, најчесто сегашни или бивши партнери. Во поголемиот дел од овие случаи постоело и веќе било пријавувано семејно насилство, велат од Националната мрежа против насилство врз жени и семејно насилство.

Од Мрежата бараат да се ретификува Истанбулската Конвенција за спречување и борба против насилството врз жените и семејното насилство како најсеопфатниот меѓународен договор во оваа област во кој насилството врз жените е препознаено Øи дефинирано како кршење на човековите права.