Секој втор Европеец плаќа со мобилен,  покажува истражувањето на една од водечките технолошки компании за електронски плаќања. 

Според извештајот 54% од испитаниците редовно ги користат своите телефони за плаќање на стоки и услуги. За споредба една година порано луѓето кои ги користат овие технологии биле 18%. Само пред една година 38% од анкетираните европски граѓани рекле дека никогаш не користеле мобилен уред за плаќање, додека оваа година тој удел паѓа на само 12%. Истражувањето е спроведено во периодот август - септември, меѓу повеќе од 36.000 лица во 19 земји од Европа.

За плаќање сметки телефонот го користат 53% од граѓаните на Европа.  На второ место е купување на билет за автобус и воз, а на трето место е земањето на стока со висока вредност за празници, мебел и друго. Последните работи кои најчесто ги плаќаат преку телефон се храна за дома, музички цедеа, ТВ емисии и филмови.