Еден од пет Хрвати се чувствува сиромашно, според новите податоци на Евростат за субјективната сиромаштија.

Тоа е околу 770.000 луѓе, врз основа на проценка на населението во 2024 година. Бројката малку се разликува од стапката на ризик од сиромаштија или социјална исклученост на Евростат, која минатата година, беше близу 22 проценти (околу 810.000 луѓе).

Оваа проценка ја зема предвид материјалната состојба на домаќинството, вклучувајќи ги приходите, расходите, долгот и богатството. Станува збор за способноста да се врзе крај со крај, а испитаниците одговараат дека тоа го прават со големи тешкотии, со тешкотии, со одредени тешкотии, прилично лесно, лесно и многу лесно.

Субјективната сиромаштија се дефинира врз основа на комбинацијата од двете највисоки категории на променливата. Домаќинството кое одговара „со големи тешкотии“ или „со тешкотии“ се смета за субјективно сиромашно, објаснува Европскиот завод за статистика, пренесува Danica.hr.

Според овие критериуми, најголем број субјективно сиромашни граѓани имало во Грција минатата година (речиси 67 проценти), по што следувале Бугарија (37) и Србија (34 проценти). Од друга страна, Германија и Холандија се убедливо најдобри, со само седум проценти од луѓето субјективно сиромашни.

За споредба, 13,6 проценти од луѓето во Словенија се субјективно сиромашни, а уште помалку во Полска - 11,5 проценти, според Евростат. Просекот во Европската Унија е 17,4 проценти (процентот бил 19,1 процент претходната година).

foto freepik.com