Секој четврти жител во оваа земја ќе се соочи со глад
Над 1,2 милиони луѓе во Либан се соочуваат со сериозен ризик од акутен глад, како последица од војната меѓу Израел и Хезболах, предупредуваат агенциите на Обединетите нации.
Според заеднички извештај подготвен под покровителство на Обединетите нации, околу 1,24 милиони луѓе – речиси секој четврти од анализираното население – се очекува да се соочат со кризно ниво на глад или полошо во периодот од април до август 2026 година.
Причините се повеќеслојни – вооружениот конфликт, масовното раселување на населението и растечките економски притисоци дополнително ја влошуваат и онака кревката состојба.
Од Обединетите нации предупредуваат дека без итна хуманитарна помош, состојбата може дополнително да се влоши во наредните месеци, особено кај најранливите категории на население.
Во извештајот на Организацијата за храна и земјоделство и Светската програма за храна, во соработка со либанското Министерство за земјоделство, се наведува дека ова претставува значително влошување во однос на состојбата пред ескалацијата на конфликтот во март.На Блискиот Исток, на 28 февруари годинава почна војна меѓу Израел и САД против Иран. Инаку, Израел врши напади и во Либан каде има членови на терористичката група Хезболах.
foto printskrin youtube
Слично
Поврзани вести
