Во првиот квартал од годинава извозот од економските зони се зголемил на 250 милиони евра, односно пораснал за 95% во однос на истиот период лани, објави Дирекцијата за технолошко-индустриски развојни зони. Од Дирекцијата сметаат дека високиот раст на извозот од зоните е резултат на влегувањето на Џонсон Мети во втората фаза на производство, на почетокот на производството на Ван Хол, зголемувањето на производството на Кемет Електроникс, како и отпочнувањето на активно производство на Џонсон Контролс во Штип. Во зоните работат 2.700 луѓе, а вкупните инвестиции на компаниите таму се проценуваат на 240 милиони евра. Според првиот човек на Дирекцијата Виктор Мизо веќе се водат преговори за неколку нови инвестиции со компании од САД, Германија и Италија, кои се подготвени да градат фабрики онаму каде што досега нема странски инвестиции.