Основното јавно обвинителство го истражува последното труење во фабриката Леар лоцирана во слободната индустриска зона во Тетово, но истовремено работи и на расветлување на труењето од април годинава, кога на работните побвршини во кујната, но и на рацете на готвачите беше откриена бактерија стафилокока.  

Земени се мостри од работните површини во кујната, како и брисеви од вработените кои ја подготввале храната. 

„Инспекциските тимови на Агенцијата на храна и ветеринарство вршат контроли кај опвој оператор со храна. Ги чекаме резултатите од земените брисеви и мострите од површините. Резултатите од испитувањето на последното труење ги очекуваме утре“ - вели Велика Атанасова, портпарол на Агенцијата за храна и ветеринарство.

Во неделата инспектори од АХВ и санитарната инспекција направија контролира на фабричката менза. Од Агенцијата соопштија дека на терен не се пронајдени неправилности.

Храната што ја јаделе работниците била исправна, соодветно дистрибуирана, чувана и послужена, во оригиналното пакување и со адекватен рок на употреба, а мензата ги исполнува соодветните хигиенски услови.

Во саботата на затруените работници им бил послужен оброк со салама и паштета, а пред четири месеци, макарони со мелено месо.