Две тарифни ознаки за прочистувачи на воздух има во Законот за царинска тарифа и во номенклатурата на царинската тарифа. 

Компаниите кои увезуваат прочистувачи на воздух наведуваат дека Царинската управа ги оптоварува со царинска тарифа од 15 отсто. 

Од Царината велат  дека царинските тарифи во земјава не се сменети од 2004 година, а  на прочистувачите на воздух кои се наменети за индустриска употреба, како и на оние кои се увезени од поголем број на држави, воопшто не се плаќа царина. Тоа значи дека царинската стапка е нула отсто. Царина од 15 проценти, се плаќа на пречистувачи кои се за домашна употреба, како и на оние кои се увезуваат од одредени држави.