Се затвара балканската рута за бегалците, поради што од полноќ нема прием на нови бегалци во Прифатниот центар во Гевгелија. Ова следи по најавата на Словенија, а потоа и на Хрватска и Србија, дека нема да примаат бегалци без валидни визи и пасоши, во согласност со  одлуката за примена на новиот режим во Шенген зоната. Со оваа мерка нерегуларниот проток на бегалци е завршен. Македонија како што претходно изјави министерот за надворешни работи, Никола Попоски сите мерки ќе ги усогласува со ЕУ и реципрочно ќе ги применува на своите граници. Во Прифатниот центар „Винојуг“ во Гевгелија повеќе од 50 часа, нема прием на нови бегалци. Во кампот во Табановце престојуваат 1.050 луѓе, а заедно со оние од меѓузоната вкупниот број на бегалци изнесува 1.500 луѓе. Од УНХЦР нагласуваат дека проблем е што бегалците се наоѓаат на отворено, на дожд и студ.