Инвестицијата која ја договорила германската фирма „Fakt AG“ во Унгарија по обем може да се мери и со најголемите индустриски вложувања.

Се создава цел град со огромни површини наменети за интензивно земјоделство.

Како што е објавено оваа недела, германската компанија  „Fakt AG“ планира да вложи околу милијарда евра и цело едно земјоделско подрачје, заедно со погон на преработка, логистика и сместување на работнци.

Избрани се две општини на северозападот од земјата, недалеку од Австрија и Словачка во кои веќе постојат одлични сообраќајни врски.

Како што пренесуваат српските медиуми, од германската фирма нагласуваат дека и самата површина на подрачјето од околу 330 хектари, покажува дека се работи за исклучителна инвестиција.

Само стаклениците ќе се простираат на околу 30 хектари, а во нив би требало да се одгледуваат пиперки, домати, патлиџан и зачински билки. На околу 50 хектари отворена површина се планираат засади од шпаргли и бобесто овошје.