Турскиот претседател Реџеп Таип Ердоган синоќа пристигна во Загреб за да придонесе за зајакнување на економските односи меѓу Хрватска и Турција и да отвори нов исламски центар со џамија во Сисак.

Денеска, како што јавуваат хрватските медиуми, ќе бидат блокирани патиштата во центарот на градот, но и во правец на Сисак, каде турскиот претседател ќе го отвори Исламскиот центар. Се очекува повремен сообраќаен метеж на улиците Зеленгај и Пантовчак, во поширокиот центар на градот и во Нови Загреб во правец кон аеродромот.

Сопругата на претседателот на Република Хрватска, Сања Мусиќ Милановиќ и сопругата на претседателот на Република Турција, Емина Ердоган денеска претпладне ќе го посетит основното училиште „Матија Гупча“. За време на посетата на училиштето ќе биде претставен проектот „Здраво живеење“.

Во 10 часот ќе пристигне во Пантовчак каде ќе се сретне со претседателот Зоран Милановиќ. Претседателите Милановиќ и Ердоган подоцна попладне ќе дојдат на хрватско-турскиот бизнис форум во Вестин.

На патиштата, речиси на сите влезови во зградите, пред хотелот во кој е сместен Ердоган има стотици полицајци. Не само хрватската полиција, туку и турската полиција и меѓународните безбедносни служби.

Таканаречени жабаци, снајперисти, шахти за заварување... Ова е само дел од безбедносниот протокол, а беспилотните летала се една од посебните мерки за заштита, пишува N1. Паркинг местата се испразнети, корпите за отпадоци отстранети...

Ердоган и неговата сопруга се сместија во Шератон. Во заштитената колона на Ердоган има околу 60 возила.