Цената на златото падна за околу 16 проценти во вториот квартал од 2026 година, што претставува најголем квартален пад од 2013 година, додека инвеститорите стравуваат од понатамошно зголемување на каматните стапки.

Во периодот од април до јуни, цените на златото паднаа за околу 16 проценти, што претставува најлош квартален резултат од вториот квартал од 2013 година, бидејќи инвеститорите го изгубија оптимизмот кога станува збор за средства кои не носат принос во услови на евентуално понатамошно зголемување на каматните стапки.

Годината, сепак, почна одлично за златото, чија цена достигна рекордно високо ниво од 5.586,20 долари за унца на 29 јануари, но беше проследена со остар пад.

Војната на Блискиот Исток го поттикна порастот на цените на енергијата, што повторно го зголеми стравот од инфлација и веројатноста дека Федералните резерви на САД дополнително ќе ги зголемат каматните стапки, објавува CNBC.

Фјучерсите за злато се во минус денес, со пад од 1,24 проценти на 3.989 долари за унца во раната трговија, додека цената на златото на спот пазарот падна за 0,82 проценти, на 3.974,51 долари.

Среброто, исто така, забележа пад. Фјучерсите паднаа за 3,34 проценти, на 57,49 долари, додека цената на среброто на спот пазарот падна за 1,31 процент, на 57,8 долари.

И покрај сегашниот пад, инвестицискиот институт Амунди проценува дека порестриктивната монетарна политика, високиот јавен долг и напорите на централните банки да ги диверзифицираат девизните резерви надвор од средствата во долари би можеле да ја зголемат побарувачката за злато и други скапоцени метали во втората половина од годината, пренесува Танјуг.