Министерството за внатрешна и надворешна трговија на соседна Србија објави преку својата служба NEPRO, дека познатата спортска продавница Decathlon повлекува производ поради безбедносни ризици.

Според известувањето, предметниот производ е кацигата за возење NEW HELMET 100 FOUGANZA.

Поточно, моделот кацига за возење „NEW HELMET 100 FOUGANZA“, ставка 8844101 во црна боја, ставка 8644620 во зелена боја, ставка 8644618 во лаванда боја и ставка 8644619 во розова боја, се повлекува од пазарот. Сите големини се опфатени со повлекувањето.

NEPRO објаснува дека кај засегнатите производи, ременот за прицврстување, кој поминува пред увото на корисникот, може да се лизне наназад.

Поради неочекуваното движење на ременот, кацигата ја губи потребната стабилност и правилното прилагодување на главата на корисникот. Во случај на пад од коњ, производот нема да обезбеди соодветна/наменета заштита, што може да доведе до повреди на главата.

Povlači se proizvod iz Decathlon-a, kupci mogu uzeti novac nazad https://t.co/4FwEZHUSK5

— Danas (@OnlineDanas) July 13, 2026

Воедно тие ги информираа потрошувачите кои пазарувале во нивните продавници, и кои го имаат купено споменатиот производ дека може да добијат поврат на средства во најблиската продавница на Decathlon.