Се повеќе косовски граѓани бараат азил во Германија.

Според статистичките податоци на Федералната канцеларија за миграции и бегалци во февруари 7728 лица од балканската држава аплицирале за азил во земјата. Тоа е два пати повеќе од претходниот месец, кога барателите за азил во земјата биле 3630 лица. За споредба, во декември минатата година едвај 1956 луѓе се пријавиле за азил.

Раст забележуваат и барателите на заштита во Берлин. Во декември азил побарале 940 лица, во јануари - 1648, а во февруари 1794.

Во февруари вкупниот број на азилантите е 26 083 лица што е повеќе во споредба со истиот период минатата година, кога биле регистрирани 14 863 лица.

Инаку во 2014 година Германија забележа најсилно зголемување на бројот на имигрантите од Романија, Бугарија, Унгарија и Полска. Тој податок го пренесуваат од локалната служба за статистика.