Конзулката на Србија во Истанбул, Ивана Пејовиќ за Курир изјави дека околу 30 српски туристи кои чекаат на аеродромот „Сабиха Ѓокчен“ во Истанбул бидејќи им бил откажан лет, денеска нема да летаат за Србија поради густата магла.

- На азиската страна на Истанбул, каде се наоѓа аеродромот „Сабиха Ѓокчен“, има густа магла и според информациите од авиокомпанијата „Пегасус ерлајнс“ со која контактирав, летот поради тоа е откажан како и многу други од овој аеродром. Од овој аеродром денеска нема да има повеќе летови, а вечерва околу 19 часот треба да имаат временска прогноза за утре и врз основа на метеоролошките услови ќе знаат дали и кога ќе полетаат. Сите патници, како што е вообичаено, ќе бидат сместени во хотел до летот за Белград - вели Пејовиќ за Курир и додава дека сонцето грее на европската страна на Истанбул.

За потсетување, летот ПЦ-371 беше откажан денеска во 11 часот по турско време, а загрижените патници кои ја дочекаа Новата година во Истанбул го контактираа Курир. „Никола Тесла“ требаше да слета на аеродромот во 10:50 часот по српско време.

Курир.рс