Ивица Дачиќ изјавил дека вработените во Амбасадата на Србија во Македонија се повлечени бидејќи имало докази за офанзивно дејство спрема Србија со присуство на странски фактор.

Првиот српски министер за надворешни работи наведува дека Србија ќе преземе мерки да ги заштити интересите во Македонија и истовремено ќе ја преиспита својата оспособеност и капацитети за извршување на работата во актуелните услови во земјава.

„Веќе идната недела, после состанокот кој ќе го имаме овде, а ќе имаме средба и со претседателот Александар Вучиќ, дел од нашиот персонал ќе биде вратен во Скопје, а амбасадорот ќе биде вратен подоцна, кога ги завршиме сите консултации кои планираме да ги спроведеме овде во Белград“, рекол Дачиќ за Танјуг.

Тој објаснил дека вработените во Амбасадата во Скопје се повлечени, бидејќи недвосмислено, со јасни докази е востановено зголемено офанзивно дејствување спрема Република Србија, во што, како вели, секако е присутен и странски фактор. 

„Ние ќе преземеме мерки да се подготвиме за работата во една таква околина“, истакнал министерот, но и нагласил дека Србија сака добри односи со Македонија.