Денеска се навршуваат  21 година откако силите на Војската на Република Српска на 11 јули 1995 година, влегоа во Сребреница и убија околу 8.000 луѓе.

Во меморијалниот центар во Поточари денеска ќе бидат погребени остатоците на уште 127 идентификувани жители на Сребреница кои биле убиени тогаш.

Мајките, сестрите, браќата, и други роднини и оваа година ќе се простат од своите најмили кои ги виделе пред 21 година.

Ќе биде обавена молитва во чест на мртвите, а меѓу тие 127 жртви имало и 12 малолетници.

Најмладата жртва е Авдија Мемиќ(14), а најстарата жртва е Мустафа Хаџовиќ.

Досега во Поточари се закопани 6.377 жртви.

Една година откако српскиот премиер Александар Вучиќ беше каменуван во Поточари и откако истрагата за тоа не даде резултати, од Сребреница стигна порака дека српскиот државен врв сепак повеќе не е пожелен во Меморијалниот центар.