Меѓународниот ден на трудот денеска ќе биде одбележан во Македонија, но протести нема да има.

Сојузот на синдикатите на Македонија ќе го одбележи 1 Мај со кампања за организирање и мобилизирање ново членство. Оваа кампања ќе се спроведува во текот на целата година, а ќе биде концентрирана на зачленување во синдикатите на неорганизираните работници, давање институционална можност за остварување колективна заштита и обезбедување социјална правда, социјална инклузија, солидарност и колективно обезбедени работнички права. ССМ ќе бара вклучување во сите процеси кои водат кон унапредување на социјалниот дијалог, повеќе и подобри работни места, унапредување на информирањето и консултирањето, учество во економското управување, унапредување на процесот на колективно преговарање и договарање, обезбедување услови за здрави и безбедни работни места, сигурни и зголемени плати, економска и родова еднаквост и обезбедување збогатени социјални права и слично.

Масовни протести за 1 Мај одамна немало во земјава. Од 2010 година па наваму по повод 1 Мај се организираат кампањи за заштитата на работничките права.