Вкупно 282 лекови ќе бидат опфатени со новото намалување на цените.

Од нив 203 се генерички лекови додека 79 се  оригинатори и иновативни лекови кои граѓаните ги купуваат во аптеки.

Министерот за здравство Тодоров соопшти дека најголемо намалување е воведено кај едни од најмногу употребуваните генерички лекови кај „золендронска киселина“ – лек за третман на остеопороза и рак на коски, „лориста Х“ – лек за висок крвен притисок, „еманера“ - лек за гастроинтестиналниот тракт, „пропофол липуро“ - емулзија за инјектирање или инфузија и „реодон“ - лек за третман на дијабет.

Кај оригинаторите и иновативните лекови најголемо намалување на малопродажна цена има кај „церезим“ – лек за третман на Гоше, вродено ретко заболување, „авонекс“ – лек за третман на Мултипла склероза, „клексан“ и „рофилак“.

Ова е осмото намалување кое надлежните го применија и за кое очекуваат вкупната годишна заштеда да биде над еден милион евра.