Ноќеска на полноќ се намалуваат цените на нафтените деривати во просек за 2,79 насто. Регулаторната комисија за енергетика ги одреди малопродажните цени на нафтените деривати. Така, малопродажните цени на ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит.  Со тоа новата цена на ЕУРОСУПЕР БС-95 ќе изнесува 78,00 ден/лит, додека цената на ЕУРОСУПЕР БС-98 ќе изнесува 79,50 ден/лит. Малопродажната цена на ЕУРОДИЗЕЛ се намалува за 2,00 ден/литар и со тоа цената на ЕУРОДИЗЕЛ ќе биде 69,50 ден/лит. Малопродажната цена на Екстра лесното масло за домаќинство се намалува за 2,50 ден/литар со што таа изнесува 58,00 ден/лит. Малопродажната цена на мазутот се намалува за 1,278 ден/кг. и со тоа цената на М-1 НС изнесува 40,943 ден/кг.