Продажбата на нови семејни куќи во Соединетите Американски Држави(САД) се намали за 0,6 проценти во јули во споредба со претходниот месец, на годишна стапка од 652.000 единици, објави Бирото за попис на САД.

На овој начин, зголемувањето од 4,1 процент во претходниот период беше намалено, но сепак е над пазарните очекувања од 630.000 продадени куќи, објави „Трејдинг економикс“.

Гледајќи ги американските региони, продажбата нагло падна во Средниот Запад за 6,6 проценти (на 85.000) и на Југот за 3,5 проценти (388.000), додека на Западот е забележано зголемување од 11,7 проценти (153.000).

Од друга страна, износот на продажба на нови куќи остана непроменет на североистокот и изнесува 26.000. Во меѓувреме, бројот на непродадени куќи на пазарот исто така се намали за 0,6 проценти на 499.000.

Средната продажна цена по куќа беше 403.800 долари, што е за 0,8 проценти помалку од минатиот месец.

foto freepik.com