Почнува изградбата на првиот бугарски христијански храм во Африка, соопшти „Дарик".

Тој ќе се вика „Св. Иван Рилски" и ќе биде подигнат во Јужноафриканската република, помеѓу градовите Јоханесбург и Преторија.

Православната црква ќе чини околу 200.000 евра. 45 000 од нив обезбедува бугарската држава, а собрани се и донации.

„Уште од нашата најрана имиграција, во 90-тите години, имаше желба да се создаде место каде што Бугарите  и за добро и за лошо ќе се собираат. Ние за негувањето на нашите христијански празници, сакаме да се собираме во нив и секогаш мораше да бараме место каде да одиме да запалиме свеќи, да се помолиме"- рече Павлина Совашова, претседател на Здружението на Бугарите во Јужна Африка.

Темелот на храмот е ставен на крајот на месец мај.