После објавувањето на соопштението од страна на Владеачката партија ВМРО-ДПМНЕ дека ќе поднесат предлог за изменување на Законот за плаќање придонеси за хонорарци од СДСМ истакнуваат како пратениците на Премиерот  и ВМРО-ДПМНЕ, пред месец ипол, како на копче, во Парламентот изгласаа кратења хонорари, и не ги интересирала реалноста.

Тие истакнуваат исто така дека кога пред нецел месец пратениците на ВМРО-ДПМНЕ го гласаа т.н. државен испит и Законот за високо образование, исто не ги интересирала реалноста.

„Кога ги воведоа казните за наставниците во екстерното, и тогаш не ги интересираше реалноста“, потенцира опозицијата.

Тие велат дека суровата реалност сега силно тропна на врата и дека Премиерот Груевски и неговите соработници се повлекуваат затоа што немаат друг избор.