„Прилепската болница е доведена на раб на катастрофа, нема греење и топла вода ниту во болничките соби, ниту во амбулантите, ниту во операционите сали.

Како и претходнaта година, по заслуга на Владата на ВМРО-ДПМНЕ и оваа зима пациентите и докторите ќе мора од дома да си носат греалки за да се згреат, реагира Хари Локвенец , член на Извршниот одбор на СДСМ“ .

Тој вели дека сметката на болницата е блокирана за долг од околу 120 милиони денари, набавката на мамограф за рано откривање на малигни болести никако да се случи, а во сите одделенија недостигаат апарати и специјалистички кадар.

-За хаосот и ужасот во болницата да бидат комплетни, пациентите се приморани голем дел од лековите да си ги купуваат самите. Вака ли Груевски и ВМРО-ДПМНЕ го замислуваат здравството во 21-век?, прашува опозицијата.

Според Локвенец и  според речникот на лекарите прилепската болница „Борка Талески“, се наоѓа во „клиничка смрт“.

Од СДСМ упатувата неколку прашања до министерот Никола Тодоров:

Дали тој лично би се лекувал во болница, во која нема лекови и основни средства за хигиена? Дали би ја донел својата сопруга на породување во „камен ладна“ родилна сала и гинеколошко-акушерско одделение кое едвај функционира со двајца гинеколози?