Во рамки на проектот „Вистината за Македонија“, опозициската СДСМ според најавите денеска ќе ја објави 33 по ред таканаречена „бомба“.

На својот фејсбук профил , Петре Шилегов, бомбата ја најави пишувајќи „Послушајте патриоти... #33“ .

Терминот најверојатно ќе биде како и досега 14 или 14:30ч.

Се претпоставува дека денешните аудио разговори ќе се однесуваат на наводни заговарања за промена на името.

Како што информиравме , опозицијата за утре го најавува најголемиот национален – над етнички, надпартиски и граѓански протест во Република Македонија.

“Нема повеќе место за Груевски во политичкиот живот во земјата”, рече уште Зоран Заев. Тој ја повика владејачката партија да не одржува митинг во понеделник – на 18 мај. “Против кого ќе протестира. Против опозицијата ли ќе протестира?”, праша Зоран Заев.