Државата во текот на вчерашниот ден се задолжи кај домашните кредитори 12,5 милиони евра наместо планираните 5,5.

Од опозицијата реагираат на ова ново задолжување и обвинуваат дека власта парите ќе ги користи за предизборни цели.

Од партијата на Заев велат дека Ставрески ги зголемил каматните стапки на државните записи и обврзници само за да обезбеди повеќе пари за желбите на Груевски.

„Според објавените проспекти, каматната стапка на едногодишните државни записи на претходната аукција била 2,50% а на вчерашната е 2,60%. Кај државните обврзници со рок на отплата од 15 години, на претходната аукција каматната стапка била 4%, а на вчерашната е 4,30%, а со две аукции е еализиран 9% од планираниот дефицит за цела 2016 година“, реагира СДСМ.

Инаку вчерашното задолжување ќе се враќа за 15 и за една година. Засега е нејасна намената на овие пари, со оглед на тоа што во следните денови според календарот, не достасуваат долгови за враќање.

Дополнителниот заменик министер за финансии Кире Наумов, вели дека загарижувачки е тоа што на денешната аукција се зголемени каматните стапки на државните запси и обврзници. Според објавените проспекти, каматната стапка на едногодишните државни записи на претходната аукција била 2, 50% а сега е 2,60%. Кај државните обврзници со рок на отплата од 15 години, на претходната аукција каматната стапка била 4%, а денешната е 4,30%.

И минатата недела, кога се одржа првата аукција на државни хартии од вредност, Владата планираше да земе 15,5 милиони евра, а се задолжи двојно повеќе или 31 милион евра. Наумов тогаш изјави дека со таа аукција е потрошен 5 % од планираниот буџетски дефицит, а ако продолжи ваквото темпо на задолжување до мај месец ќе се потроши планираниот буџетски дефицит за цела 2016-та година.