Од опозициската партија бараат Државната изборна комисија да го објави Избирачкиот список како што налага законот.

Имено повикувајчи се на  член 31, став 2, алинеја 28-г, од Изборниот законик, од СДСМ велат дека ДИК треба да го објави избирачкиот список на својата веб страна со следниве податоци: име, презиме и адреса на избирачите.

Од партијата на Заев, во случај ДИК да не постапи согласно законот велат дека ќе поднесат  кривични пријави против оваа институција.

„Тоа е гледано од законски аспект. Од политички аспект, ако мнозинството во ДИК, предводено од ДПМНЕ, нема што да крие во избирачкиот список

Ако избирачкиот список е навистина како што тврдат прочистен, ќе го објават списокот онака како што е наведено во законот, и ќе дозволат граѓаните самите да се уверат во регуларноста на списокот“, порача потпретседателот на СДСМ Дамјан Манчевски.