Од опозициската СДСМ после синоќешните експресни преговори кои завршија повторно без никаков договор ја обвинуваат владеачката партија и премиерот дека директно го кршат  Договорот од Пржино

Портпаролот на СДСМ денес на прес конференција изјави дека ВМРО-ДПМНЕ се плаши од  комплетирањето на специјалното јавно обвинителство, избор на независен министер за внатрешни работи и бегаат од слободни, фер и демократски избори, а пред се дека се плашат од заминување на Груевски од власт.

Понатаму изјавија дека корупцијата и криминалот, како што тврдат на власта немало да бидат неказнети.

Од оваа партија денеска најавија и објавија таканаречени нови бомби.

Шилегов го обвини премиерот  не само за семеен туку и за партиски криминал посочувајќи дека политичката партија ВМРО-ДПМНЕ купила огромен имот низ цела Македонија и истиот се протегал на  различни локации со вкупна квадратура од близу 12.000 метри квадратни од кои најголем дел се простира во Скопје.

4 милиони евра е приходот кој партијата на власт го прикажала и од СДСМ тврдат дека функционери на ВМРО-ДПМНЕ  купуваат огромен имот за малку пари.

Од оваа партија прашаа Колку чини вкупниот имот на ВМРО-ДПМНЕ?

 Во видеото може да ја проследите прес конференцијата на СДСМ: