СДСМ и Сојузот на борците денеска потпишаа Платформа за демократска Македонија.

Велат дека заедно ќе се борат за слобода и демократија во земјата.

„Во Платформата заедно сите се залагаме за регуларни, фер и демократски избори преку целосно исполнување на условите. За да може да ова врвно демократско право да го имаат сите граѓани на Република Македонија. Во Платформата заедно се залагаме за враќање на правдата и правната држава, за враќање на демократските институции, за департизација и деполитизација на институциите. Заедно се залагаме за Македонија повторно да биде нормална земја којашто ќе чекори на патот на Европската унија и НАТО“ - вели лидерот на СДСМ, Зоран Заев.

Тој вели дека  е горд што на Платформата и се приклучуваат и борците.