Од опозициската СДСМ денеска со нови обвинувања до власта.

Овојпат од партијата на Заев тврдат дека Никола Груевски и Коце Трајановски расипнички ги трошат парите на граѓаните на раскош и луксуз.

„Само за нови барокни фасади Коце Трајановски планира да потроши нови 5,7 милиони евра. За нови плоштади и фонтани уште дополнителни 3 милиони евра. А само за одржување на фонтаните и спомениците уште 500 илјади евра. За Градската куќа следната година ќе се потрошат нови 2,6 милиони евра.

Врв на забеганоста, безобразлукот и луксузирањето се 500 илјади евра за пристапни површини околу гламурозното партиско седиште на ВМРО-ДПМНЕ.

Приоритет за Коце Трајановски е партиското седиште на ВМРО-ДПМНЕ а не изградбата на комунална инфраструктура, за цело Скопје бидејќи за цела година предвидени се  750 илјади евра. За Коце Трајановски, партијата секогаш била и ќе биде поважна од граѓаните на Скопје“, обвинуваат од опозицијата.

Напоменаа дека со буџетот за 2016 Скопје ќе продолжи да се задушува во загадениот воздух а ќе нема ови училишта, ќе нема гасификација, ќе нема бесплатен јавен превоз за студентите секој ден

„Со амандманите кои ги поднесовме бараме повеќе пари за: реконструкции на училишни згради, за надвозници и пешачки мостови, изградба и реконструкција на велосипедски патеки, субвенции за велосипеди за граѓаните, мерки за намалување на загаденоста на воздухот, повеќе паркови и зеленило, гасификација на средните училишта, бесплатен јавен превоз за студентите секој ден,  бесплатен здрав оброк за учениците во средните училишта, расчистување на диви депонии и многу други мерки кои ги решаваат проблемите на граѓаните на Скопје“, посчи Дамјан Манчевски од СДСМ на денешната прес конферецнија.

Тој побара оставка од градоначалникот на Скопје.