Акцентот на денешната прес конференција опозицијата го стави на изборниот циклус во Куманово.

Од содржината можеше да се слушне, како што тврди опозицијата, во разговорот меѓу министерката Јанкуловска и Виктор Цветковски, порнешен член на СДСМ, а сега во ГРОМ на Стевче Јакимовски како Цветковски  на изборите работел за ВМРО ДПМНЕ, а не за неговата партија.

Се слушна како Јанкуловска од него бара бројка на гласачи кои може да се очекува дека ќе гласаат за нив во Куманово а Цветковски пак ја уверува дека има контрола врз многу гласачи, а тоа го покажал во првиот изборен круг. За вториот круг, тој на снимката тврди дека е направен список на раселените кои со возила ќе бидат пренесувани да гласаат.

СДСМ презентираше прислушувани разговори, во кои според нив се слуша како власта се обидува да ги намести изборите во Куманово.