СДСМ денеска излезе со барање по скратена постапка да се донесе Законот за медиуми, кој е предложен од новинарските здруженија.

Предлагаат за оваа цел да се свика итна седница на Собранието. Од партијата велат дека без регулација на медиумите и без прочистен избирачки список нема да има фер и демократски избори.

„Реформите во медиумите за професионално, навремено и вистинито информирање на граѓаните се клучна заложба на СДСМ и еден од условите за фер и демократски избори. На секој граѓанин му е јасно, без регулација на медиумите и без прочистен избирачки список нема да има фер и демократски избори“- рече Горан Сугарески, координатор на пратеничка група на СДСМ.

Сугарески објаснува дека предлогот на новинарските здруженија е во насока на предлозите на меѓународната заедница за реформи во медиумите.