Дополнителниот заменик министер за финансии, Кире Наумов бара сите идни вработувања во сите државни институции да се прават и со негов потпис, а не само со потписот на министерот за финансии Зоран Ставрески.

„Мислам дека првата точка на која ќе биде тоа е разгледуањето околку согласностите за нови вработувања. Една од алките на вработување во било која институција е самото Министерство за финансии.Тоа значи дека треба да се добие при сите тие процедури согласност од Министерството за финансии. И не може да не тврдиме дека нови вработувања во администрацијата не е врзано со избори. Но, и во самата дефиниција стои финансиски, кадровски и правни решенија кои може да влијаат на изборите. Вработувањата се кадровски решенија кои ќе влијаат на изборите и ако тоа не го регулираме брзо може да дојде до таква ситуација“, изјави дополнителниот министер Наумов.

Во интервјуто во Економски магазин тој најави и ново вето од опозицијата ако наскоро не се регулира прашањето за вработувања во администрацијата.