Саудиска Арабија одлучи да биде помудра во односите со САД, изјави саудискиот министер за енергетика ,Абдулазиз бин Салман на шестиот инвестициски самит на Иницијативата за идни инвестиции.

- Кралството Саудиска Арабија одлучи да биде позрело по ова прашање, рече министерот, коментирајќи го влошувањето на односите меѓу Вашингтон и Ријад во време на одлуката на кралството да го намали производството на нафта како дел од договорот со другите производители на нафта од ОПЕК +, и покрај тоа што САД бараат да се зголеми производството.

- Ние како Саудијци имаме бонтон да разговараме лице в лице и никому да не вртиме грб. Нашето верување е дека Саудиска Арабија е најбезбедната и најсигурната земја во однос на снабдувањето со нафта. Кралството ќе биде сигурен снабдувач со нафта за сите што ќе побараат од нас, додаде тој.

На почетокот на октомври, земјите-членки на ОПЕК +, предводени од Саудиска Арабија, одлучија да го намалат производството на нафта за два милиони барели дневно од ноември. Одлуката беше критикувана од САД, кои побараа од кралството да го зголеми производството на нафта за да и помогне на ЕУ да ја намали потрошувачката на нафта од Русија во контекст на нејзината конфронтација со Западот.