Најголемата саудиска рударска компанија планира да го дуплира производството на злато до 2020 година. 

Намерите се дел од напорите на Саудиска Арабија, која е најголем извозник на нафта, да ја раздвижи својата економија. 

Најголемата саудиска рударска компанија Saudi Arabian Mining Co. планира двојно да го зголеми производството на злато до 2020 година, како и да го зголеми производството на други суровини - од алуминиум до амонијак, соопштува Bloomberg. 

„Производството на злато ќе биде 500.000 унци до 2020 година од околу 200.000 унци оваа година"- изјави Халед ал Мудајфер, извршен директор на Saudi Arabian Mining Co.

Саудиска Арабија планира да создаде повеќе работни места надвор од нафтениот сектор и да ги зголеми приходите. Монархијата планира рударството да генерира 26 милијарди долари во економијата до 2020 година и како резултат на тоа да создаде 90 илјади работни места. Ова се предвидува во специјалната програма Визија 2030. Саудиска Арабија е богата со алуминиум, фосфат, злато, бакар и ураниум.