Деветгодишна затворска казна му изрече хрватскиот суд на поранешниот хрватски премиер Иво Санадер. Тој и останатите обвинети за случајот “Фими Медиа“ се прогласени за виновни по обвиненијата за извлекување пари од државни претпријатија и полнење на касата на својата партија. Освен затворот, Санадер ќе мора да ги врати и износите на пари за кои се смета дека ги повлекол од државни фирми и институции. Заедно со Санадер се осудени уште четворица негови блиски соработници, агенцијата „Фими Медија“, како и политичката партија ХДЗ. ХДЗ исто така ќе мора да ги врати парите коиу завршиле на сметката на оваа партија.